Hulanda a gana 122 bion ku eksportashon

61
eksportashon di mashinnan so ta genera 16 bion
ROTTERDAM—Hulanda ta gana hopi ku produkshon i eksportashon di mashinnan i piesanan pa mashin.

Den 2018 Hulanda a eksportá kasi 16 bion na mashin, 4 bion mas ku den 2015. Prinsipalmente Hulanda a gana biones ku eksportashon di mashinnan di chip i di industria alimentisio segun CBS. CBS a investigá kua produktonan di eksportashon ta duna mas gansahi den Hulanda. Hulanda a eksportá na balor di 122 bion euro pa eksterior. Produktonan di metal ta genera 6 bion. Mas aleu eksportashon di mata i flornan ta genera 5,5 bion euro. Tambe ta eksportá gas i karni, ku ta bon pa 5 bion euro. Medisina tambe ta den tòp 10.