Labotorio nashonal ta konektá ku hospital nobo

230
Nobo: un parti di e laboratorio nobo di ADC na Roodewg Otrobanda.
Punda—Ayera na nan lokalidat riba Roodeweg, laboratorio nashonal ADC, a presentá nan laboratorio nobo na medionan di komunikashon lokal. Relashonista Publiko Nina Winklaar despues di a hasi un introdukshon kòrtiku a pasa mikrofon pa koleganan, Nedine Merien, Sue Ellen van Trikt Verbrugge i Farouk de Windt.

Ayera a bini dilanti ku ADC a invertí den un lokalidat den Otrobanda pa por sirbi Curaçao Mediccal Centre mas efisiente, esta mas lihé sin mester gasta muchu esfuerso na rekursonan produktivo. Segun Nedine Merien, via di nan invershon nobo tantu e spesialistanan komo e médikonan di kas tei risibí nan resultadonan mas lihé. ADC a skohe di tal manera pa duna un mihó servisio den tiki tempu, Merien a splika prensa lokal ayera. Den 9 luna di tempu ADC a logra kombertí un sukursal di nan riba Roodeweg den un laboratorio pa nan por sirbi Curacao Medical Centre mas mihó i asina tambe logra sirbi e pueblo di Kòrsou mas kompleto ku ta posibel. Pa por hasi esei i mantené e kalidat di tèstnan  haltu, ADC a invertí den aparatonan nobo i alabes inisiá i kompletá proseso di entrenamentu.•