Landsrecherche ku tres entrada hudisial

1982
Willemstad— Landsrecherche kondusiendo un investigashon ayera den oranan di mainta a realisá tres entrada hudisial ku tabata den un bibienda i dos ofisina.

 

Ayera mainta e tim di Landsrecherche huntu ku un Fiskal di Ministerio Públiko i tambe un wes komisario  a realisá un entrada hudisial den un kas na Suffisant. Einan a yega i a yama e habitante di e kas kual ta un dama i a splika e motibu di nan presensia. Huntu ku e dama e efektivonan a drenta e kas i a kuminsá ku e investigashon i na final a sali ku un kantidat di dokumento, laptop i tambe kòmpiuter. Seguidamente a sigui pa un ofisina na  Parera i pa na final bai na un otro ofisina kual a bin resultá di ta un ofisina di Trust den Chuchubiweg. Na tur e tres lokalidatnan aki e tim di reshèrshe a hasi investigashon. No ta konosí pa Vigilante e motibu eksakto di e tres entrada nan hudisial aki.