Rodrygo a fusilá un débil Galatasaray pa duna Real viktoria

38
Fot rodri: E hóben brazilero, Rodrygo, ayera ku un anochi mágiko despues di mitar dje seis golnan di su ekipo Real Madrid.

MADRID,  – E ekipo di Galatasaray a kombertí den e paña di konsuelo pa ekipo di Real Madrid  di kende promé ku e partido aki tabata den posishon ménos kustumbrá pa nan pa loke ta e fase di grupo di Champions League, pa motibu dje derota  kontra di PSG i su posterior  empate kontra di Club Brugge.

Dos viktoria konsekutivo kontra di un desepshonante ekipo  turko, e ekipo blanku a sali hunga den Santiago Bernabéu dòrna ku bandera blanku i na  unda tabatin un héroe hóben  ku ta e brasileño di nòmber Rodrygo. E talentoso hungadó tabatin un hat-trick den e partido.

E último aki a asumí e protagonismo devolviendo e fanatikonan dje ekipo blanku e alegria ku nan tabata buskando i na unda ya ta vislumbrá e yegada na oktavo final.

E partido a kaba skor di 6-0 miéntras ku e hóben brazilero, Rodrygo a skor tres okashon, porsierto dos di nan riba pas’é di su kompatriota Marcelo.

Kosnan Importante dje partido:

Real Madrid: Courtois, Carvajal, Varane, Sergio Ramos, Marcelo (Mendy, 42′), Kroos, Casemiro (Modric, 60′), Fede Valverde, Rodrygo, Benzema i Hazard (Isco, 68′).

Galatasaray: Muslera, Mariano Ferreira, Luyindama, Marcao, Nagatomo (Buyuk, 88′), Seri, Nzonzi (Bayram, 46′), Lemina, Feghouli, Andone (Donk, 46′) i Babel.

Golnan: 1-0, Rodrygo (4′); 2-0, Rodrygo (7′); 3-0, Sergio Ramos, de penalti (13′); 4-0, Benzema (45′); 5-0, Benzema (81′); 6-0, Rodrygo (92′).

Refri: Felix Zwayer (Alemania). Amomestó a Nzonzi (13′), Fede Valverde (42′) i Babel (57′).

Insidensianan: Partido bálido pa e di kuater hornada dje fase de grupo di  Champions League disputa den stadion di Santiago Bernabéu dilanti  presensia di 67.000 fanátiko.