Abogado hulandes heridá na frontera

98
abogado Schol a hasi denunsia di menasa
GRONAU/OVERIJSSEL—Abogado Schol (43) a keda heridá ayera mainta pa deskonosínan ku a pasa lòs bala na Gronau.

Esaki ta un siudat aleman djis na frontera ku Hulanda na Enschede. Schol a keda transportá ku heridanan grave pa hospital. Na hospital a hasi operashon i e abogado ta for di peliger segun Dekano di orden di abogadonan Luttikhuis a bisa RTL Nieuws. E orden di abogadonan ta den shòk. Algun siman pasa el a hasi un melding di menasa riba Schol, tambe a pone Nationaal Coordinator Terrorismebestrijding en Veiligheid na NCTV na altura ku a tuma akshon. Schol a keda alkansá pa tirunan for di un outo koriendo mientras e tabata kana riba kaya. No ta konosí ken ta tras di e atentado tiroteo. Polis ta buskando un outo ku number hulandes. Tabatin diferente okupante den e outo. Agentenan aleman i hulandes a start e búskeda. A sera e kaya kaminda e tiroteo a tuma lugá pa investigashon. Polis hulandes ta investigando si tin relashon ku un insidente na un skol deporte na Losser. Schol tabata curator den bankarota di e skol.  Testigunan a tende tres tiru. El a bisa testigunan ku dos marokano ku e konose a tir’e. segun Tubantia e abogado tabata keda menasa pa un tempu kaba.