Atrakadó ta bisa habitante ku e ta bai ku su SUV pero lo lag’é intakto atras

Enbèrdat a bin hañ’é asina

681
Willemstad— E tim di atrako ta investigando un kaso di atrako arma ku a tuma lugá den un kas den oranan di mardugá den e bario di Muizenberg.

Den oranan di mardugá Polis a keda dirigí pa un kas den e  bario di Muizenberg pa ta mas eksakto Kaya Buenos Aires pa un kaso di atrako. Einan a bin topa ku e habitantenan ku a splika ku kuater tipo basta hóben ku arma di kandela den man a logra di drenta nan kas i bou di menasa a kuminsá pidi pa sèn i tambe prenda. E tiponan aki a logra di poderá di algun artíkulo di balor i tambe a kue televishon bai kuné. Pa por a bai ku e artíkulonan aki e tiponan a hinka esakinan den un SUV di e habitantenan. Promé ku nan bai asta e tiponan a splika e habitante pa keda trankil i nan no laga e SUV intakto atras despues ku nan bai kuné. Enbèrdat mas despues a bin haña e vehíkulo intakto den kura di Little Leaque Ballpark na Muizenberg mes. Den e vehíkulo ainda tabatin un televishon. Polis a konfiská esaki bai warda kuné.