Cali Manuel lo bai ta e presidente nobo di Centro Barber

119
Centro Barber.
WILLEMSTAD—Djasabra benidero, e ekipo di futbòl lokal Centro Barber lo bai tin un reunion general èkstra ordinario, den kual nan lo bai tene nan elekshon pa algun puesto den nan direktiva.

Esaki unda ku entre otro lo elihí un presidente nobo i tambe tin algun persona kende a postulá nan mes pa ta parti di e direktiva.

Miéntras tantu ya pa algun tempu ta koriendo e rumornan ku ‘Cali’ Manuel, lo bai ta e ekipo su presidente nobo, remplasando David Dick, kual rumor a bira aun mas persistente durante di e último dianan.

Miéntras ku pa loke ta e posibel karanan nobo ku lo bai ta parti di e direktiva, Deporte Vigilante a komprondé ku entre otro Maikel Stokkel, Micheline Heyliger i tambe Julivienska Doran, ta esnan postulá pa por ta parti di e direktiva próksimamente.