Dòkternan lo stòp di traha warda di anochi

 Si 1 kaso mas di atrako tuma lugá:

4225
Dr Samander:  Su kaso a shòk komunidat. Si malechornan bolbe tira atrako riba 1 di nan Asosashon di Dòkternan lo no laga su miembronan sigui traha warda.
WILLEMSTAD—Djarason Kòrsou a keda sakudí ku  echo ku nan a atraká un dòkter. Den e kaso aki manera ta konosí den área di De Savaan a atraká Dr Samander. Lokual ku a sosodé aki a indigná Asosashon di Dòkternan inmensamente.

Den serie di nos edishon Vigilante a keda notifiká ku e Asosashon di Dòkternan a fiha un posishon pa lokual ku a sosodé. Na e momentunan aki un gran parti di ofisina di dòkternan ta konsistí di hende muhé. E medida ku nan kier tuma ta hustamente pa Sali protehé e dòkternan femenino, paso komo 70% di nan ta disponibel hinter luna pa traha warda. Lokual ku a sosodé ku dr Samander a pone ku desishon a kai ku si tin un kaso di atrako mas riba dòkter ku nan lo stòp di traha warda te na momento u garantisá siguridat di nan. Na momento ku Vigilante a risibí e informashon aki nos a drenta den kontakto ku Dr Elhage kende a konfirmá ku enbèrdat nan a tuma e desishon.

E la indiká na Vigilante ku lo no ta responsabel mas pa dòkter ser yama den oranan di anochi, anto e tin di sali su kas pa bai habri anochi. Pa nan ta konta siguridat di nan hendenan na promé lugá. Dr Wallit Elhage a indiká ku loke a  sosodé ku dr Samander ta inaseptabel. Komo tal e la mustra nos ku no ta responsabel pa nan laga e dòkternan Sali traha warda di anochi si sosodé ku mester bolbe tira atrako riba 1 di nan.  Den kaso di dr Samander mester bisa ku te ainda e ta den shòk pa lokual ku a sosodé. E no a spera ku nunka di su bida un dòkter lo por a ser atraká, anto den su konsultorio. Vigilante ta pendiente pa hiba un kombersashon ku dr Samander.