Enfermero hinká den klínika sikiatriko

100
posiblemente ta un bishitante a hinka e víktima
CASTRICUM—Den e klinika sikiatriko Parnassian a Castricum un enfermero a keda hinká ayera nochi.

E víktima a keda transportá ku urgensia pa hospital. No tin informashon di su kondishon. Bosero polisial a informá ku djis despues di e insidente a detené un sospechoso banda di stashon. No tin klaridat si e sospechoso ta un pashènt òf un bishitante di e klinika. E klinika mes ta sospechá ku no ta trata di un kliente. NH Nieuws a informa ku e víktima a keda hinká den barika i ku su kondishon no ta stabil. Polis ta spera ku pa awe por duna mas detaye di e insidente. Un kolega di e hòmber a bai hospital kune.