Michael Albertus a kambio di Shurendric Fransinet

92
Tekniko nobo di Centro Dominguitu, Yasir Hyman, trahando duru ku su ekipo.
WILLEMSTAD—Moveshonnan ta sigui pa loke ta kambionan ku lo bai tuma lugá den futbòl FFK. Esaki preparando pa e temporada nobo, ku lo inisiá djadumingu benidero, unda e ekiponan ta hasiendo nan último moveshonnan pa asina ta debidamente prepará i reforsá pa lucha durante di kampionato 2019/2020.

Den e kuadro aki, e 2 Centronan, ku ta e ekipo di Centro Dominguitu i Centro Barber, a bai na akuerdo pa un interkambio. Esaki unda ku e ekipo di Dominguitu lo haña Michael Albertus, a kambio di Shurendric Fransinet, kende lo pasa pa e ekipo di Centro Barber. Ta trata aki di un kambio, unda ku ya tantu e futbolistanan mes, komo dirigentenan di e ekiponan a bai di akuerdo. Tur esaki despues ku ya pa algun práktika di Centro Dominguitu, por a tuma nota di presensia di ‘Jèw’ Albertus, na tereno.