Míles di maestro ta blòkia tráfiko Rotterdam den protesta

75
wèlga general di maestronan

ROTTERDAM—Den henter Hulanda maestronan a manifestá pa solushonnan struktural den nan sektor.

Na Rotterdam maestronan malkontentu a marcha pa Erasmusbrug den direkshon di stadion ayera. Alrededor di 3000 maestro a marcha bai Rotterdam. Tur kos a kana na ordu, asina polis no mester a interveni. Maestronan ta preokupá ku nan salario i preshon di trabou den enseñansa. Apesar ku gabinete a bai di akuerdo pa invert 460 mion euro mas den enseñansa, e sindikatonan no ta kontentu. Nan ta di opinion ku ta insidentalmente ta hinka plaka den enseñansa i poko struktural. E welga na Rotterdam ta parti di e akshon general. A tene manifestashonnan den Amsterdam, Almere, Zwolle, Arnhem, Eindhoven i Goes.