Su di 6 den su karera komo shòrt stòp den MLB…. Andrelton Simmons a gana e ‘Wilson Defensive Player of the Year Award’

45
Andrelton Simmons ta bolbe gana e ‘Wilson Defensive Player of the Year Award’ komo shòrt stòp.
NEW YORK – E shòrt stòp yu di Kòrsou Andrelton Simmons ayera a gana e famoso ‘Wilson Defensive Player of the Year Award’, kual ta un premio ku ta keda otorgá na e hungadó di MLB ku mas a destaká riba su respektivo posishon defensivo pa loke ta e temporada 2019.

Tabata ayera den oranan di atardi lat ku e premiashon aki a tuma lugá. Ta a base di un fórmula speshal, ku e kuerpo di hurado ta apliká, nan ta yega na e ganadornan individual riba kada posishon. Esaki ta e di seis bia ku Andrelton Simmons ta keda premiá ku e distinshon aki.

E ganadónan di e aña aki a resultá: Primera Base: Freddie Freeman, Braves; Segunda Base: Kolten Wong, Cardinals; Shòrt stòp: Andrelton Simmons, Angels; Tersera Base: Matt Chapman, Athletics; Sènterfil: Lorenzo Cain, Brewers; Lèftfil: David Peralta, D-backs; Raitfil: Aaron Judge, Yankees; Kècher: Roberto Perez, Indians; Picher: Zack Greinke, D-backs/Astros;

E ekipo ku mihó defensa den 2019 a resultá: Houston Astros miéntras ku e pelotero ku mas a destaká defensivamente (overall) e temporada 2019 a resultá e kècher: Roberto Pérez, Indians.