Zeus de la Pas huntu ku Jafar Arias i algun mas ta ousente

90
Zeus de la Paz,
WILLEMSTAD—Despues di publikashon di e lista di e 23 hungadónan di Remko Bicentini pa enfrentá Costa Rica otro siman, a tuma nota ku tin algun kara konosí ku ta ousente.

Entre esakinan tin e kiper Zeus de la Paz i tambe e atakantenan Jafar Arias, Gino van Kessel, Gervane Kastaneer, Jarchino Antonia. No a hasi menshon di e motibu di nan ousensia, unda lo trata na saka esaki afó, durante di e dia di awe, si dado kaso lo por tin ku ta leshoná.

Chèns ta grandi ku ousensia di Zeus, lo por ta debí ku e la bira e kiper estelar i lo kier mantené su puesto. Van Kessel su último aktuashon/prestashon, sigur lo ta e motibu pa su ousensia. Presensia di Benschop, huntu ku Janga, lo a pone ku a opta pa laga Arias keda kas. Miéntras ku últimamente no ta selektando Antonia i tampoko Kastaneer, kual un biaha mas ta e kaso.

Notabel ta tambe e ousensia di Jimbertson Vapor, kende últimamente tabatin su puesto fiho entre e promé 23 nan, pero Remko a opta pa otro 3 e biaha aki.