Doño di toko detené pa aktonan inmoral ku mucha menor di edat

767
Willemstad—  Reshèrshi di e departamentu  kasonan inmoral ta investigando un kaso unda a bin topa un hòmber mayor di edat ku un mucha menor di edat den outo.

Polisnan a keda dirigí pa aria di Playa Canoa unda a tuma nota di un hòmber mayor di edat den kompania di un mucha menor di edat tabata hasi aktonan amoroso. Polisnan a bai mesora na e sitio indiká unda enbèrdat a bin topa e hòmber den kompania di un mucha menor di edat ku no a pasa 14 aña. Mesora a hasi e damita algun pregunta na e sitio mes pa despues a pasa pa detené e hòmber. A bin resultá di ta un komersiante ku ta manehá un negoshi den aria di Montaña.

Mesora e la keda detené pa kometé aktonan inmoral ku un mucha menor di edat. A bai warda kuné pa asina e wòrdu presentá dilanti un fiskal ousiliar ku a ordená su enkarselashon. Miéntras e reshèrshinan di e departamentu kontra kasonan moral a sigui ku e investigashon i a kuminsá interogá e damita pa asina por saka afó kiko tur a pasa entre e i e mayor di edat.