Duanero korupto tabata traha años pa kriminalnan

155
Hassan O (38) akusá di a laga 1500 kilo pasa
ROTTERDAM—Duanero Hassan O (38) ku a keda detené den febrüari pa laga 1500 kilo kokaina pasa, tabata traha años pa kriminalnan.

Asina Ministerio Públiko ta konkluí for di mensahenan riba su telefòn. E selular tabata skondí den kas di e duanero. Resientemente a lòs e mensahenan seyá riba e selular. Segun fiskal Steen den e mensahenan a papia di entre otro scannen, soborno i gana plaka. Tin indikashonnan ku e duanero no solamente a yuda den importashon di kokaina konfiská na febrüari, pero ku e tabata traha basta tempu kaba pa kriminalnan, segun Steen. Ayera e proseso kontra e duanero lo a start pero a keda pospone pa malesa di e abogado. Hassan O ta ninga di a kopera ku kriminalnan i ta bisa ku otro duanero lo a usa su informashon pa drenta e sistema. Outoridatnan marokano no a reakshoná riba petishon di OM pa hasi investigashon riba capital di O. Duana den haf Rotterdam tabata den hopi skandal di korupshon. Komienso di 2019 a detené tres duanero pasobra nan tabatin sumanan grandi riba nan kuenta bankario. Dos aña pasa a sentensia eks-duanero Gerrit G na 14 aña di kastigu pa korupshon. Un otro duanero a haña kastigu di 2 aña. Den investigashon ta konstatá ku kriminalnan frekuentemente ta haña asistensia di duaneronan korupto pa importashon di droga.