Hòmber ta maltratá parlamentario

Dilanti supermerkado

15918
Willemstad— Basta mirónes a para wak kon un suidadano ta maltratá un parlamentario pa despues a kana bai manera nada no a pasa.

Ta basta ta esnan ku tabata presente i tambe e trahadónan di e supermerkado pabou di brùg a para wak kon un hòmber a maltratá un parlamentario. E hòmber aki a kana yega serka e parlamentario ku tabata riba e lugá pa stashoná outo dilanti di e supermerkado pa despues a kumind’é na su nòmber. E parlamentario kortesmente a saludá e suidadano bèk pa despues sinti dos bòftá basta fuerte den su kara. E hòmber mester a saka man dal e parlamentario dos wanta basta fuerte pone ku esaki asta a kap lep di e parlamentario pone ku sanger a kuminsá basha. Despues di esaki a hòmber a dirigí algun palabra den direkshon di e parlamentario ku tabata bisa lo siguiente : “ Sua ta basta awó i laga mi muhé na pas” .

Despues di esaki e la kana bai lagando e parlamentario para ku man na kara. Sigur e trahadónan di e supermerkado spesialmente e hóbennan ku ta hala garoshi i tambe algun hende ku tabata presente a rabia ku e situashon ku a  surgi i a kuminsá manda palabranan insolente den direkshon di e hòmber ku a dal e parlamentario indikando na dje ku ta ku bo muhé bo mester bai papia i no kana dal hende pa muhé. E hòmber a drenta den un vehíkulo i a bai for di e sitio. No ta konosí pa Vigilante si e parlamentario a bai entrega un denunsia pa maltrato. Pero loke ku sigur ku no ta asina sin mas ta yega dal nos defensornan ora ku na kas tin problema relashonal.