Kambio di Germain Geerman pa Randel Winklaar

178
Germain Geerman
WILLEMSTAD—Banda ku Centro Dominguitu lo hasi un kambio ku Centro Barber, unda nan lo atkerí Michael ‘Yèw’ Albertus a kambio di Shurendric Fransinet, manera Deporte Vigilante a publiká ayera.

E ekipo tin tambe plan pa un posibel segundo kambio pendiente. Esaki ku dirigentenan di e ekipo trikolor di Jong Holland. Un ke otro pa asina nan por konta bèk ku e atakante Rendel ‘Djodjo’ Winklaar.

Tabata e intenshon pa negoshá i hasi e kambio primeramente pa Norman Hojer. Pero miéntras tantu tur kos ta indiká ku e kambio aki, lo por bira Germain Geerman.

Ya pa algun siman tantu Geerman komo Hojer, kende ámbos tabata parti di Dominguitu, ta praktikando ku e trikolornan, unda tur kos ta indiká ku e trikolornan lo a mustra interes pa por konta ku Geerman. Un ke otro pa asina nan lo por tapa e buraku ku Dannick Koeiman a laga atras, riba ala robes den nan liña defensivo, despues di a biaha pa tera friu.

Tur esaki unda ku tékniko Yasir Hyman ta trata na fortifiká su liña ofensivo tambe despues ku nan a hasi esaki den e liña defensivo tambe, ku yegada di entre otro Maikel Pinedo i tambe Gedion Poppen.