Tyrell Malacia i Lutsharel Geertruida na banki den De Kuip

164
Lutsharel Geertruida.
HULANDA—E hóben futbolistanan oriundo di nos isla, Tyrell Malacia i tambe Lutsharel Geertruida, tabata na banki komo suplente ayera pa nan ekipo Feyenoord. Esaki den wega bálido pa Europa League, na momentu ku nan a enfrentá e ekipo di Young Boys for di Suisa.

Tabata wega ku e ekipo di Hulanda a hunga na kas, riba tereno di stadion De Kuip, unda ámbos defensa lateral, no a logra pa mira akshon durante di e partido.

Un ke otro unda ku nan kompañero di ekipo, e otro mucha di nos, e mediokampista mundialista Leroy Fer, ayera tabata ousente.

Finalmente e enkuentro aki, a tèrminá den un empate na 1 gol, despues ku tabata e ekipo di kas, ku a sosegá den bentaha mínimo, pero no ta logra mantené esaki i e ekipo bishitante ta logra e empate den e parti komplementario di e partido.