Yu (61) ta haña 14 aña kastigu i tbs pa mata/dera mama

110
yu ta mata mama pa 40.000 euro
DELFT—Ton L, yu hòmber di Mona Baartmans, a haña kastigu di 14 aña plus tbs pa asesinato di su mama.

Anteriormente el a konfesá kaba ku el a mata i dera su mama aña pas. E kurpa di Mona (79) a keda deskubrí dia 31 oktober 2018 na Heineroord. E dama di Delft a disparsé dia 23 septèmber despues ku el a bishita su esposo na un kas di kuido na Den Haag. Djis despues a detené su yu mayo Ton. El a atmití ku el a choka e mama riba parkeo di e kas di kuido pero ku esaki tabata den su rabia. Mesun anochi el a dera e mama den un mondi. Ton no tabata ke pa su mama kobre  40.000 euro ku el a lanta for di su kuenta. El a kue e sen pa e hunga plaka, asina el a deklará den korte dos siman pasá. Korte no ta konsiderá ku ta trata di un momentu di rabia pero ku intenshonalmente el a plania pa mata su mama. Hues a papia di un akto di kobardia i ku e sospechoso no tin duele.