Zidane: “Bale i James no ta leshoná”  

54
Fot zidane: Zinadine Zidane mister di Real Madrid ayera den rueda di prensa a kontesta ku ta Mbappé mes a bisa ku un dia e lo tin gana di militá den Real Madrid.
 

MADRID,  – E mister di Real Madrid, Zinedine Zidane, a papia ku prensa previo na e partido ku nan mester

E la papia den sala di prensa previa na e partido ku su ekipo lo afronta  awe na Ipurua kontra di  Eibar (18.30 ora). Esaki ta algun frase mas destaká dje mister franses.

Partido kontra di  Eibar. “Tur enkuentro ta kompliká i  seguramente kontra di  Eibar e por ta poko mas. Ta un kancha hopi diferente na e otronan pa hopi dimenshon. Nan ta hunga un manera na kas ku ta otro di loke nan ta hunga pafó. Nos tabatin poko dia pa prepará. Nos lo wak kon nos lo bai hasié. Nos ta prepará pa esaki”.

E deklarashon hasi pa Leonardo tokante Mbappé. “Ami no a bisa nada,  solamente loke e hungadó a ekspresá un biaha, esta ku algun dia e lo tin gana di hunga den  Real Madrid. Leonardo  por bisa loke e ke, meskos ku ami por hasié”.

E Superkopa di Spaña. “E Federashon spañó lo a tuma e desishon aki. Nos no por hasi nada, solamente nos mester pensa pa hunga e partido”.

E titularnan di  Rodrygo i Valverde. “Nos ta 25 hungadónan i mi tin 25 titular. No ta sorprendemi. E hungadónan kada biaha ku nan haña chèns ta demostrá nan kalidat, nan a hasié”.

E leshonnan di Bale i James. “Nan no ta leshoná, pero nan no ta disponibel. Nos lo mira si nan ta prepará pa hunga ku nan selekshon si òf no. Nan ta bai i lo tin seis dia pa mira si nan por hunga den e partido si òf no. Nan no ta disponibel paso nan no a train ku e grupo.  No ta un desishon tékniko ku nan no ta ku nos”, asina Zinadine a duna di konosé.

Den e programa  ‘El Chiringuito’ na yegada dje franses nana  a delantá  lista di nòmbernan ku  Zidane lo a pone riba mesa na ora di tuma un kargo, di kua ta no tabata algu fásil pa kumpli kuné.

Aunke no tabata posibel ku tur e hungadónan aki lo por bin kai den Real Madrid, e franses lo ke pa hasi lo máksimo pa trese mayoria di nan. Riba e lista aki tabatin figuranan Hazard, Pogba, Lucas, Mané  i Mbappé. Porsierto ku alfinal ta e promé so a yega for di Chelsea.