Yu di Kòrsou tin nada di haber ku desaparishon di Naima Jillal

228
Inosente

Dos hòmber a mèldu na polis relashoná ku posibel sekuestro di Naima Jillal (52), segun polis.
Nan a keda detené. Den programa Opsporing Verzocht polis a mustra un magen di un hòmber ku posiblemente ta envolví den e sekuestro. A bin resultá ku un hòmber yu di Kòrsou kende su imahen a keda publiká no tabatin nada di haber ku e kaso. Medionan di komunikashon digital a publiká e imahen robes pero den korto tempu a kita esaki bèk. Famianan di e hòmber a keda bastante prekupá ku e publikashon robes.

Kamaranan di vigilansia ta mustra un hòmber serka di kas dje víktima den Amsterdam-Zuid. Polis no sa su identidat. E tabata huntu ku un otro hòmber di kua polis a determiná su identidat. No ta kla ki ròl e hòmbernan a hunga den e sekuestro/desaparishon di e dama. A hasi e grabashon riba Gustav Mahlerlaan na Zuidas serka di e kas di Jillal kaminda e ta keda ora e ta na Hulanda. Por sierto ku polis no ta papia di sekuestro, mas bien desaparishon. Fuentenan di Crimesite ta bisa tambe ku e dama tabatin mas konosinan den mundu di droga. Polis no a konfirmá e informashon aki. Pa lokual ta trata publikashon robes di e yu di Kòrsou esaki a wòrdu rektifiká.