Dr. Patrick Fasioen a wòrdu atmití na e akademia di Master Seargent na Merka

664
Riba e foto aki por mira Dr. Patrick Fasioen den e di dos rei di ariba bin abou i di kuater di rèks pa links.
Willemstad,–  Vigilante a papia ayera ku e siruhano Patrick Fasioen kende a splika Vigilante ku el a keda atmití den e akademia di siruhanonan maestro.

El a splika Vigilante ku esaki ta un honor pa su persona i sigur un logro grandi tambe pa su pashèntnan aki na Kòrsou.

Dr. Fasioen ta un siruhano laparoskopiko  i e ta bira un di e 83 edukadónan kirúrgiko di e akademia aki.

Señor Fasioen a splika nos ku esaki a tuma lugá durante di un seremonia den e ouditorio di John B Murphy Memoroial na Chicago.

El a drenta e akademia komo miembro asosiá i aktualmente e ta empleá komo hefe di e departamentu di siruhia i hefe di e trenen klíniko na Advent Hospital. Segun Dr Fasioen su entrada den e akademia aki ta un paso vital den e esfuersonan kontinuá ku el a bin ta hasi pa konstruí kalidat kirúrgiko den region di Karibe. Tambe esaki ta permití pa e dòkter por interkambiá estrechamente ku lidernan mundial riba e tereno aki.