For di un  dia promé mester bai para na Megapir pa haña chèns di drenta den e promé 6 tourbusnan

Shofùr di Tourbus ta rabia ku situashon inhumano ku tin na Megapir

421
035 Mester para for di 11’or di anochi di e dia prome pa por haña burt den e prome 6 busnan.
Otrabanda- Pa loke ta trata un prekupashon ku ta biba serka shofùrnan di tourbus ta algu sumamente preokupante i inhumano. Vigilante a kombersá ku Sr. Richel Wawoe ku a duna di konosé ku e situashon aki tin 3 aña kaba kaminda ku busnan ku mester bai na e sitio ei pa buska turistanan mester presenta for di e dia promé sino bo no ta bin dilanti den e promé 6 tourbus nan pa subi e tereno.

E kompanianan aki nan bùsnan ta bin na e sitio for di 11’or i nan ta keda kambia warda te mainta te ora e barku yega pa bo ta den promé 6 bùsnan pa subi e tereno. Despues ku otro bus sali e otro por drenta. E problema ta ku tin 6 kompania kaminda pa mas ku un aña kaba ta nan ta esnan ku ta drenta den e promé 6 nan. Ora bo yega bo no ta haña 6 hende, un hende bo ta haña I e ta bisa e otro 5 nan di e otro kompanianan tei kaba. Diferente okashon a aserka CPA pa ku e situashon aki i nan a splika ku nan no ta responsabel pafó. E otro tourbus nan ta keda para pafó te ora ku nan bin haña un chèns ya e barku a muri kaba. Si un bus ta karga 28 persona i tin biaha ta manda 2 na e sitio, ta un bus so bo ta logra di sera ku mas o menos 15 persona i e otro ta keda bashí. Sr. Wawoe a splika ku e la papia ku e personanan di Megapir pa trese un solushon pa bin ku sistema di number.

Ántes tabatin skibimentu di nòmber etc. Loke ku Sr. Wawoe a splika ku nan ta paga CPA pa drenta paden, pa kada turista i tambe shofùr.  Kaminda ku nan tin ku warda pa subi e tereno. Esnan ku tin preferensha ta Taxinan i tourbus nan ku ta eksistí pa hopi aña kaba. E tourbus nan di hopi aña kaba di eksistensia nan ta bende nan tournan riba e barku i esei ta duna nan e preferensha pa drenta promé. Nan ku ta kompanianan mas chikí mester bin drumi na Megapir pa nan por ta promé. Mester bin un solushon pa ku esaki mas pronto posibel. Taxinan ta drenta di un otro porta pero na sistema ta regla. E barku ku mester ta drentando ta bin ku mas o ménos 2000 persona pero esaki no ta hasi ku bo ta haña hopi kliente.

E turista ku no a kumpra nan ticket pa tour nan por hasi esaki na Megapir bou di un tènt kaminda e diferente representantenan di e tourbus nan ta para bende. CPA a stipulá un preis di 20 dòler pa turista I bo ta hañabo ku sierto kompanianan ta bende esaki na preis mas abou I esei ta pone ku esun ku ta bende na 20 òf 25 dòler no ta haña turista. CPA mester atendé e problema di e bùsnan ku ta bin for di e dia promé pa nan por ta den e 6 nan ku por drenta promé i evitá ku mester bin for di e dia promé na e sitio. CPA mes a pone bòrchi pafó pues na  mester buska manera di regla e asuntu.