Sindikatonan Sitek i Abvo ta hopi kansa ku e situashon alarmante di Feffik.
Brievengat- Na aña 2009 no ta e aña ku a kuminsá ku e seramentu di Feffik kaminda ku  Minister di Enseñansa Sra. Alcala- Walle tabata e tempu ei diputado a duna e enkargo na un negoshi pa a laga hasi un auditing di Feffik. E momentu ei e mester a haña un rapòrt ku mester a keda hinka den lachi i despues di  tempu na aña 2014 Minister Irene Dick mester a pidi un análisis di good governance di Feffik.

Den e rapòrt ku a Sali a bin ku tin dos posibilidat sea reorganisá Feffik of sera Feffik. Despues di hopi lucha a Sali afó ku lo bai reorganisá Feffik kaminda a traha riba e proseso aki te na 2016 kaminda a bin e desishon pa sera Feffik. Sindikatonan mester a aserka e ministernan kaminda a deklará ku nan no ta na altura di esaki i pa sinta papia di e situashon promé ku esaki yega asina leu. Sr. Minister Gijsbertha mester a duna di konosé ku e responsabilidat di  wikel af e trahadónan di Feffik ta di hunta di komisario, pero e responsabilidat ta di gobièrnu. Mirando ku ta nan inisiá e proseso pa sera Feffik. Ora ku e situashon a para bira un problema na 2018 sindikatonan a bai kana e kamindanan di diskushon kaminda a bai diálogo nashonal i akinan a bisa ku lo bai reorganisá òf sera Feffik na e mihó manera posibel. Minister di Enseñansa aktual a bisa ku tin 10 mion disponibel pa sera Feffik kaminda e la bisa esaki tur kaminda. E la bisa ku lo bai hasié den dos fase unu na fin di òktober i e otro na fin di novèmber. E trahadónan di Feffik ku ta riba payrol di Feffik a bisa nan pa koperá ku DOS. Awor ku nan ta einan pa hasi e trabou ta lagando tempu bai sin kumpli ku e palabrashon. Nan a bin komprondé ku dos luna pasa ku gobièrnu a stòp di manda supsidio pa Feffik. Momentu ku nan a bai gobièrnu e la deklará ku e tin 1.9 mion ku tin e supsidio anual den dje.

Ku esaki no por kubri e gastunan di Feffik ni di e trahadónan.  A hasi tantu kos sin hasi un análisis pa sa kuantu lo kosta gobièrnu pa ser Feffik i awor ta bin ku tur tipo di kos pa no kumpli. Hunta di komisario ta esun awor ku no tin ni pariba ni pabou, esaki ta duna indikashon ku gobièrnu no ke kumpli. DOS ta uzando edifisio di Feffik i no ta pagando hür, ni awa ni koriente, awor a bin petishon tambe pa kumpra material ku sèn di Feffik pa DOS por hasi uzo di dje. Feffik tur luna ta haña supsidio di gobièrnu pa e drai. Tur luna tabata kita for di e sèn di supsidio, ku esaki a trese Feffik den mas problema. Gobièrnu mester kumpli ku loke e la primintí. Un bes aki si sigui den e situashon aki e edifisio lo no por funshoná mas mirando ku lo no tin sèn pa koriente ni pa material pa e sigui drai. Gobiernu a manda Sr. Gijbertha  pa negoshá seramentu di Feffik, pa esaki sera desèmber i ku na yanüari lo sigui ku Nilda Pinto Techniek.

For di e promé reunion sindikatonan a ekspresá nan dudanan. Den diálogo nashonal a bisa ku 9.3 mion ta tei pa atende Feffik. Kaminda ku 4.3 mion pa atende ku gastunan di Feffik i 5 mion pa wikel af trahadó. Mas o ménos 2 luna pasa 200 mucha di Nilda Pinto ku mester a drenta na Feffik i kaminda a pidi pa nan drenta i tambe lo a tuma 20 maestro di Feffik ku lo keda tuma. I tin un kantidat di 23 ku lo no keda tuma, kaminda e kantidat di personal total ta 43 persona. Na fin di òktober i novèmber lo wikel af e personal. Na fin di òktober ku nan mester a kobra no a pasa nada ainda i ku ta salario so a pasa. Nan lo mester a bin komprondé di e hunta di komisario ku ta sèn ku nan ta tin a paga salario. Loke ku a keda papia den diálogo nashonal ni Sitek ni Abvo no ta partner den esaki ta SSK i CTGC ta e sentralnan. Tabata 45 minüt promé ku rueda di prensa a tuma lugá ku Minister presidente a yama Sr. Bremer ku tin 5 mion pa yuda solushoná e problema ei.

Sindikato Abvo a splika ku nan ke mira esaki riba papel i kon lo bai atendé esaki. Minister presidente a bisa ku esaki lo inkluí salario te ku desèmber i lo yuda pa wikel af e personal. Tambe ku den e sèn aki lo tin e supsidio ku mester haña tur luna. Loke ku tambe a keda nan asombrá ta ku Minister presidente a bisa ku ta for di òktober e personanan aki ku e sa no ta den nervioso di Feffik. Ayera numa a bai pidi pa kita e personal for di trabou na SOAW i e proseso aki lo dura sigur un 6 siman.