Tres dama detené i interogá pa froude na ontvanger

471

Willemstad—– Kontinuando ku un investigashon relashoná ku un kaso di froude ku a tuma lugá den luna di mart 2019 na e ofisina di impuesto, polis a detené tres dama mas.

Entre djaluna 11 i djárason 13 di novèmber 2019, reshèrshinan di VVC a detené e damanan;

  •  N.L.M., di 22 aña di edat,
  •  R.R.R., di 28 aña di edat,
  •  L.V.B., di 30 aña di edat, tur tres nasé na Kòrsou relashoná ku e kaso di froude ariba

menshoná. Detenshon di e sospechosonan a tuma lugá na Warda di Reshèrshi.Despues di interogashon e tres damanan a keda pone den libertat pendiente e investigashon ku tin di bai kontinuá.