Dos vehíkulo hòrtá hañá den mondi na Choloma

283
E entrada na Choloma unda a bin haña e dos outonan hòrtá.
Riba e tereno na Choloma a bin topa ku e Kia Picanto hòrtá.
A kita henter e parti padilanti bai kuné.
Willemstad— Riba un tereno bandoná den un pida mondi a bin topa ku dos vehíkulo prosedente di ladronisia.

Djasabra den oranan di atardi Polis a keda informá ku riba un tereno habri ku entretantu a para bira un mondi mester tin dos vehíkulo prosedente di ladronisia. Polis a bai na e sitio unda enbèrdat a bin topa ku e dos vehíkulonan. Tabata trata di Un Kia Rio i un Kia Picanto. For di ámbos ya a logra di kita piesanan i tambe otro partinan bai kuné. Polis a pidi asistensia di un kran pa asina por a konfiská e vehíkulonan bai warda kuné pa mas investigashon.

Kia Rio hòrtá ku a bin haña.
Esaki tambe a kita basta piesa for di dje.