Lo tin skarsedat di remedi peligrando salu públiko  

Segun Shaheen Elhage:

856
WILLEMSTAD—E medidanan ku SVB kier introdusí si no surgi kambio, esaki lo bai trese kuné skarsedat di remedi ku lo peligrá salu públiko.

Ta asina ku e botikanan ta kumprando nan remedi for di importadónan lokal. Tur botika riba un base diario tin un voorraad di 300 mil florin na remedi. Tur botika tin un variedat di entre 400 pa 500 remedi.

Pa por tin lisensia pa por bende remedi tin rekesitonan ku e botikanan mester kumpli kuné. Abase di un voorraad diario di 300 mil florin tur botika ta bai pèrdè mas ku 100 mil florin, unabes ku e bende e kantidat ei. No ta asina si ku botikanan ta bende 300 mil florin pa dia. Ta tur tin un voorraad di 300 mil florin pa diariamente por ta bon di stòk. Di akuerdo ku Shaheen Elhage e medida ku nan drenta na vigor kuné entrante 1 di yanüari 2020 lo perkurá pa skarsedat di remedi i hasta trese salu dje pueblo na peliger. El a pone énfasis ku manera e asuntu ta awor aki ku esaki lo perhudiká tur botika.

Hasta esaki ta nifiká ku tin botikanan lo por dal nan porta sera òf tin di kita hende for di trabou tambe. Sin yega na e fase aki ta asina ku Vigilante ta informá ku tin doño di botika ku a baha nan salario pa por a usa esaki pa por yuda paga salario di trahadónan ya ku e negoshi no ta dje rendabel ei pa nan mas.

Pa bai bèk na nos kombersashon ku Shaheen Elhage el a indiká na Vigilante ku lo bai bira masha difísil pa botikanan kumpli ku loke tin riba mesa awor aki di parti di SVB. E la bisa nos di forma kla ku e medida aki lo perkurá pa peliger pa salu dje pueblo, paso ta nan komo botika tin di perkurá pa tin e remedinan den stòk, pero ku no por ta asina ku na momentu ku nan bai hasi deklarashon ku nan lo pèrdè entre 30 pa 38% riba loke nan deklará.