SVB tin issue ku Dr Tweed

P’esei entrante 1 di yanüari ta stòp di kolaborá kuné:

299
WILLEMSTAD—Den nos edishon di djasabra Vigilante a trata e asuntu di ku SVB kier stòp di traha ku dòkternan ku a kumpli 70 aña di edat. Den seno di SVB a reina un pregunta grandi kon bin e karta ku a bai pa Dr Tweed por a kai den nos seno.

Ta asina ku pa lokual ta trata dr Cummings e la pasa su práktika kaba pa dr Janga, miéntras ku di Dr Spong ya ta regla masha dia, kua ta nifiká ku e no ta bai kai den e medidanan di entrante 1 di yanüari 2020. Esun ku Asosashon di dòkternan i SVB mester kaba di atendé ta e parti ku ta regarda Dr Tweed kende tin mas di 1000 pashènt ku ta kai bou di dje.

E ta ser akusá di algu relashoná ku puntonan ku e mester a entrega. Asosashon di dòkternan tin tur atenshon pa lokual ta trata e kaso di Dr Tweed kende SVB kier stòp di kolaborá kuné entrante 1 di yanüari 2020. Pa dr Wallit Elhage e kos aki no por bai asina asina, paso mester wak si dr Tweed a entrega su rekisitonan achteraf kiko por tabata e motibu.