Juni Juliet ta presentá The Legends den ámbito di Kòmbèk

382
Momentu ku e rueda di prensa tabata tuma lugá ayera na Riffort Village.

WILLEMSTAD,—-Ayera nochi durante di un rueda di prensa e artista músiko kantante kompositor areglista i alabes promotor Juni Juliet a presentá su proyekto Juni Juliet & The Legends den ámbito di Kòmbèk.

Mester bisa ku riba e fecha ariba menshoná lo bai tin e tres agrupashon musikal nan mas popular den ámbito di Kòmbèk ku lo bai topa ku otro, ta trata aki di Classic XD, Zudup Hopi Forsa i Sabor “S.O.” Original, pero esaki no ta tur kos, paso riba mes un dia lo bai tei tambe lo bai tei Juni Juliet & The Legends ku e legendario kantante nan manera Gibi Doran, Mr Saab, Ompie Stefansia, Ňaño, Romeo Heyer i Lady Su ku tambe lo bai presentá ku Juni Juliet & The Legends.

E fiesta grandi aki lo bai tuma lugá den Klup di Shell, Juni Juliet a bisa ayera durante di e rueda di prensa ku e fiesta ta kuminsá 9 or en punto i e ta terminá 3 or di mardugá. Otro informashon ku tambe a bin dilanti ta e echo ku ya e karchi nan di Early Bird a kaba, esaki ta nifiká ku preis nan di e fiesta a kambia.

Pues dia 6 di desèmber pa promé biaha den historia farándula di Kòrsou lo bai baila Juni & The Come-back Legends, kaminda ku lo bai tin e tres agrupashon musikal nan di mas grandi den ámbito di Kòmbèk den 2019. Tambe mester bisa aserka ku Angelo Libinia ku ta e kantante ku tin e piesa di mas grandi den ámbito di Kòmbèk ta presentá ku Juni Juliet & The Legends tambe, pero e ta presentá ku su banda ku ta Classic XD tambe den lup di Shell djabièrnè 6 di desèmber binidero.