Piesa nobo di e kantante Zwaizer graba ku Grupo Image

180
E la kaba di graba un Tambú nobo ku “Grupo Image” na Hulanda. 

WILLEMSTAD,—-No ta un sekreto ku durante di e aña aki ta diferente di nos músiko nan den diferente género musikal a bai biba na Hulanda, i den e kaso aki e kantante kompositor den ámbito di Tambú i Seú Arnold “Zwaizer”Martha.

Di informashon ku a drenta na mesa di redakshon di ‘E Mulina’, ta bisa ku ya pa sinku luna kaba e kantante “Zwaizer” ta biba i alabes laborá na tera friu, tambe nos a keda pone na altura ku e kantante den ámbito di Tambú a hasi grabashon nan ku e grupo di Tambú ku ta karga di nòmber Grupo Image.

Titulo di e promé piesa nobo ku “Zwaizer” a graba ku Grupo Image ta hiba di nòmber “Mi Bisiña”. Mester bisa ku ya for di ayera ‘E Mulina’, a haña e piesa nobo di “Zwaizer” den nos poder, i mester bisa ku nada no a kambia pa loke ta trata e manera ku e kantante sa presentá su piesa nan di Tambú.

‘E Mulina’, a drenta den kontakto ku e kantante Arnold “Zwaizer” Martha i manera ku e la kue su telefon ‘E Mulina’, a puntr’é, kon ta bayendo ku bo na Hulanda, esaki ta loke ku e kantante a kontesta ‘E Mulina’,.”Lagami sali bisabu ku mi ta bon, i tur mi hende nan rondó di mi tambe ta bon, mi tin ku bisa ku ya mi a kuminsá move ku “Grupo Image” i tambe mi a hasi mi promé grabashon, titulo di mi piesa noba ta “Mi Bisiña”. Pues manera ku mi a bisabu na kuminsamentu ku aki banda tur kos ta kana den gran forma ku mi”.