Bringamentu na skolnan ta kousando problemanan serio

234
Willemstad- Semper ta tin problemanan na skolnan spesialmente skolnan sekundario kaminda hopi ta e hóbennan ku ta haña nan ku problema sea ku un otro alumno òf tin tambe esnan ku ta haña problema ku e asina yama “géngnan” di otro skol.

Esakinan ta para dilanti di e skolnan i warda e alumno òf alumnonan sali pa asina bringa ku otro. E situashon aki ta empeorando mas i mas mirando ku e situashon ta birando peligroso na momentu ku e problemanan aki presentá. Hóbennan ántes tabata bringa man i man, pero awor e situashon a bira kaminda nan ta bringa i asta ta hasi uzo di ophetonan pa por herida otro. Maestronan di skol tin ku intermediá i asta tin momentu yama polis paso e situashon ta sali for di man. Hóbennan no tin kunes mas si nan tin ku bringa nan ta hasi esaki kaminda ku tin otro solushon pa asina remediá e situashon. Mayornan ta bon pa papia ku bosnan yunan i edukánan pa motibu ku e tipo di situashonnan di bringamentu nan aki sigur ta perhudikánan di tal manera ku despues na grandi nan ta lamentá. Mester siña hóbennan bira tolerante pa asina evitá ku nan por haña nan ku tipo di problemanan aki. Kòrda edukashon ta kuminsá na kas, einan bo ta krea e base pa e hóben por sigui krese den su bida.