Jean Julien Rojer a pèrdè ayera den Davis Cup

127
Rojer i Haase den akshon.
SPAÑA—E ekipo hulandes a sufri derota ayera, den e promé wega di grupo E,di e kompetensia internashonal di tènis, Davis Cup, kontra Kazakhstan. Esaki den torneo ku ta tumando lugá na Madrid Spaña.

Tabata wega unda ku e tenista profeshonal, e YDK  Jean Julien Rojer, huntu ku su duo Robin Haase a kai vensí. Un ke otro ku skor di 4-6, 6-7, kontra di e tenistanan Michail Koekoesjkin i Alexander Boeblik.

Tabata wega unda kosnan no a kana na nan banda i finalmente nan mester a konforma ku e derota, hungando den representashon di Hulanda.

Primeramente tabata e intenshon, pa Jean Julien Rojer, hunga den dòbel ku Wesley Koolhof, riba indikashon di e kapitan di Hulanda Paul Haarhuis, pero tabata algun promé ku inisio di e wega, ku Haarhuis a anunsiá e kambio, unda kosnan a bai manera ya ariba menshoná.