Presidente di Haiti ta pidi pa dialogá

186
Jovenel Moise, presidente di Haiti for di aña 2017 tras di lomba.

PORT-AU-PRINCE – E presidente haitiano, Jovenel Moise, a indiká ku e ke dialogá i ku esaki ta e forma mas mihó pa konfrontá e problemanan di e pais. Esaki miéntras ku vários shen opositor a subi kaya un biaha mas pa eksigí su renunsia.

Den un diskurso pronunsiá relashoná ku konmemorashon di 216 aniversario di e bataya di Vertières, kua a definí independensia di Fransia, e presidente a bolbe pidi unidat na e sektornan.

Segun el a sigui indiká, ta trahando pa asina debolbé pas i trankilidat na famianan haitiano. Den mesun rosea el a felisitá e profeshonalidat di outoridatnan polisial, konsiderando ku e institushon no ta laga provokashonnan den nan direkshon traha ku nan.

E kabesante di estado a atmití ku e kondishonnan di bida di e poblashon haitiano ta prekario i a manifestá su desishon di inisiá ku reforma pa asina kambia kosnan.

E echo di a rekonosé pobresa i inseguridat ku ta reina na e pais, Moise a afirmá ku e violensia polítiko i persekushon no ta parti di su vokabulario.

Miéntras ku Moise ta pidi pa dialogá, su opositornan a subi kaya di Port-Au-Prince i siudatnan den interior di esaki manera Les Cayes, Miragoane, Petit Goave, Saint Marc i Cap Haitien, pa asina eksigí ku esaki entregá i kita for di kabes di e pais.

Den e sektor di e kapital, sivilnan armá a ataká e manifestantenan i un periodista a resultá heridá. E manifestantenan a denunsiá ku tin un supuesto represhon di parti gobièrnu.

E protestanan di awe ta parse di anunsiá un siman mas di parálisis total debí na e tipo di aktividatnan aki.

Durante e último 10 simannan, skolnan a keda será, mientras transporte públiko i e komersio a keda paralisá pa e manifestashonnan i barikadanan kontinuo, ehekutá pa oposishon di Moise, na poder for di aña 2017.