Triunfo pa Hulanda U-21 ku diferente di nos muchanan

414
Hungadonan di e ekipo U21 di Hulanda.
HULANDA—E selekshon di futbòl di Hulanda, formá pa futbolistanan te ku 21 anja di edat, a logra triunfo ayera. Un ke otro durante di un wega amistoso ku e ekipo a hunga kontra e selekshon similar di Inglatera.

Tabata partido ku a mira akshon riba tereno di De Vijverberg na Doetinchem, unda e ekipo oraño a logra triunfo ku skor di 2-1.

Ta trata aki di ekipo ku ta konta ku diferente di e hóben futbolistanan oriundo di nos isla, manera entre otro Justin Kluivert, kende ta militá den AS Roma den seri A di futbòl na Italia. Tambe tin Tyrell Malacia di Feyenoord, ku ta parti di Eredivisie na Hulanda. Sherel Floranus ta otro di esnan ku ta ku e ekipo, kende ta hunga ku Heerenveen na tera friu. Meskos ku ta e kaso tambe di Tahith Chong, ku ta hungando di e organisashon di Manchester United, den Premier League di futbòl na Inglatera.

E triunfo a bin den minütnan final, despues di un tremendo gol for di un tiru liber. Esaki a nifiká tambe e di 7 triunfo konsekutivo di e ekipo dirigí pa tékniko Erwin van de Looi, unda nan ta sera aña 2019, di forma invikto.

Pues un gran aña pa e ekipo U-21 Oraño.