Tur kos ta kla pa e di 6 edishon di KLM Máratòn

124
Dunando info unda ta mustra tambe e bunita rekuerdo pa ku e maraton.
WILLEMSTAD—Djadumingu próksimo dia 24 novèmber 2019, ta fecha pa e di 6 edishon di KLM Máratòn riba nos isla. Relashoná ku esaki, tabata ayera den oranan di atardi, ku a tene un konferensha di prensa na Curaçao Marriott Beach Resort.

Esaki ta sitio tambe unda e máratòn, ku ta repartí den 5 i 10 kilometer, pa tantu partisipantenan ku ta kore i kana, lo inisiá i tèrminá djadumingu awó.

Ta trata aki di evento organisá pa Fundashon Run in the Sun, unda e aña aki ta spera un kantidat rèkòrt di partisipante, tantu di nos isla, komo tambe di eksterior, ku lo ta riba nos isla pa e evento aki.

Un ke otro a ranka sali na aña 2014, unda ku e fondo rekoudá, tambe lo wòrdu uzá pa un bon kousa, unda ta e intenshon pa koperá ku e proyekto ‘Tur mucha mester kome’. Esaki ta un evento pa grandi i chikí, partisipantenan maskulino i femenino i esnan lokal i tambe esnan di bishita for di eksterior.

E evento lo tèrminá tambe, unda lo bai tin rifa di 2 diferente tíket ku KLM pa Hulanda, entre e partisipantenan lokal, unda e ganadó lo mester ta presente. Esaki lo tuma lugá kuartu pasa di 10’or di mainta, na e sitio di salida i final.