Famia Jamaloodin\ Dos Santos no tin niun konfiansa den e sistema hudisial aki na Kòrsou

Segun abogado Peterson

470
Willemstad- Segun abogado Peterson a splika durante di e rueda di prensa ta ku e famia no tin niun konfiansa den e sistema hudisial aki na Kòrsou, ni di korte sinta ni di korte para. Pues ni Ministerio Públiko ni  e huesnan.

Abogado Peterson  a splika ku e no ta kere sigun e kaso ta kanando lo bin Sali afó ta  ken ta esnan ku a mata Wiels. E intenshon ta pa e famia mes haña sa ta ken a kometé e krímen aki. Pa stimulá e hende òf hendenan ku sa ta kiko a pasa di bèrdat ku Helmin Wiels nan a pone riba mesa e  1 mion dòler pa e informashon konkreto i sustansha tambe. Tur hende por bin ku yen historia pero tin un tim ku lo analisá tur dato ku drenta pa wak kua ta e informashonnan ku ta mas digno di mas investigashon. Kaminda ku e investigashon priva aki yega na e konklushon esaki lo keda trese dilanti pa asina si tin un tiki kredibilidat den Ministerio Públiko ainda den e kaso aki.

Ku esaki por yuda Ministerio Públiko drecha su nòmber. Na momentu ku e informashonnan drenta i keda konstatá ku ta di balides i por sigui pa desenmaskará esnan ku ta tras di e morto di Wiels. Lo bai dilanti i esun ku trese e informashon aki lo bai haña e rekompensa di 1 mion dòler. Ta un tim di personanan ku ta versá den investigashon penal lo bai tin tras di esaki pa por kondusí e investigashon.