Deontay Wilder vs Luis Ortiz II awe lo ta “ On Fire”

89
Fot wilder: E tiramentu di palabranan tabata hopi entre Deontay Wilder (L) i Luis Ortiz, pero ta awe nochi e kos ta konta. E promé pelea no ta poko nan a bati i otro, miéntras no ta mustra ku lo bira otro den  MGM Grand Garden Arena na Las Vegas.
 

LAS VEGAS, – A papia masha hopi dje pelea dunando tur sorto di dato, pero e úniko ku falta awor aki ta di bisa: Ken lo ganá e pelea di peso di pisa entre Deontay Wilder i Luis Ortiz djasabra próksimo (awe) den MGM Grand Garden Arena na Las Vegas?

Wilder (41-0-1, 40 KO) ku ta e kampeon di CMB a derota  Ortiz pa TKO den 10 rònt den luna di mart na  2018. Despues di esaki e la empatá ku  Tyson Fury na desèmber despues e la nòkout  Dominic Breazeale den pelea ku a dura un rònt na mei último.

Wilder den su pelea anterior tabatin mester di solamente  2:17 minüt pa asina derota su  kompatriota Breazeale i a konserva  pa di nuebe okashon su titulo di  Konseho Mundial di Bòkseo (CMB), porsierto den e pelea estelar di Premier Boxing Champions ku a tuma lugá na Barclays Center di Brooklyn, na New York.

Wilder a manda e retadó obligatorio lona di un manera dramátiko, ya ku  Breazeale no tabata por a respondé na e konteo di rèfri pa asina kontinuá e pelea.

Wilder di kende nan ta yama  “The Bronce Bomber”, a manda a manda  tur  su rivalnan lona i  Breazale manera nos a bisa ariba  no tabata un eksepshon, despues di konekt’é un tremendo man drechi na su kara di kua a mand’é bai plat.

 

Ortiz (31-1, 26 KO) di su banda despues di bringa kontra Wilder a rekuperá di su derota i a ganá peleanan konsekutivo kontra di  Razvan Cojanu, Travis Kauffman i Christian Hammer.

Den e promé bataya entre  Wilder i Ortiz ku a terminá na fabor dje kampeon estadounidense pa nòkout den di 10 rònt, tabatin hopi problema den pelea aki i kasi Wilder tabata apunto di risibí un nòkout promé ku e la logra su viktoria, porsierto na unda na final tòg e la keda ku e faha bèrdè i oro den su man  komo kampeon.

E kartelera di Awe ta karesé di bon pelea

Den otra pelea ku lo primintí hopi ta ora e  eks kampeon mundial mehikano, Luis ‘Pantera’ Nery, enfrentá e portorikeño  Manny Rodríguez, porsierto na unda e promé  a sigurá ku e lo nòkout e último aki.

 

Nery tambe a sigurá tambe ku nada lo no impedie pa e rekonkista e faha bèrdè i oro di Konseho Mundial di Bòkseo di  (CMB) na 2020. Tur esaki e ke logra pa asina forsa un megapelea despues kontra dje hapones, Naoya Inoue.

Manera nos a publiká ayera, Nery i Rodríguez, lo enfrentá otro den MGM Grand Garden Arena komo respaldo dje kartelera  ku ta bai protagonisá pa e pesonan pisa entre Deontay Wilder i Luis Ortiz, porsierto den pelea bálido pa e kampeonato di peso pisa di CMB.

Den e mesun programa di awe e bòksdó Leo Santa Cruz tambe lo bai buska su tetrakampeonato di mundu ora e enfrentá Miguel Flores.

“Manny ta un bon bòksdó, pero ku un estilo ku un poko pousa, mi ta bai imponé ku mi estilo, ku hopi preshon nos ta bai imponiendo segun rònt, nos lo bai super’é sin problema, den 3 a 4 rònt ora mi gar’é e pelea ta kaba”, asina Nery a duna di konosé.