Hòmber detené pa atrako ku morto i tambe vários atrako mas dilanti wes komisario

226
Sospechoso ku ta detené pa un seri di atrako.
Willemstad—  E sospechoso ku a keda detené pa  su posibel partisipashon den un kaso di atrako ku morto i tambe vários otro atrako mas a keda presentá dilanti wes komisario.

Tabata siman pasa ku a logra di detené e sospechoso aki despues di a kaba di kometé un atrako arma riba un habitante den su kas an Tera Kòrá. Despues di e atrako den e kas na tera Kòrá a kita un vehíkulo for di un trahadó di C-post bai kuné i a laga esaki atras  riba e tereno na Wèchi. Polisnan durante di búskeda a bin logra di detené e sospechoso aki na altura di e edifisio unda ántes Burger King tabata situá riba Jan Noorduynweg.

For di investigashon ku a sigui a bin saka afó ku e hòmber aki ya tabata ser buska pa e kaso di atrako ku morto ku a tuma lugá den Schelpwijk na unda un suidadano Ulandes Oropeo a bin pèrdè su bida ora ku a tir’é mata durante di e atrako. Ayera e sospechoso aki a keda presentá dilanti wes komisario pa asina por sigui ku e investigashon. Ta sospecha ku e tipo aki lo ta metí den un kantidat di atrako mas.