Rusia ta laga Serbia i Djokovic na kaminda

95
Fot Rusia: E potrèt ta bisa tur kos. E alegria dje rusonan Karen Khachanov i Andrei Rublev ta inmenso despues ku nan a ganá dje serbionan Viktor Troicki i Novak Djokovic i klasifiká pa semifinal di Copa Davis.

MADRID,  – Rusia danki na e viktoria di den dòbel di Karen Khachanov i Andrei Rublev,  a logra superá Serbia ku skor di  2-1 den serie, tur esaki  despues di kibra tres sùrf den e partido.

E viktoria aki ta pone ku nan ta klasifiká pa semifinalnan di  Copa Davis den e torneo yama “Caha Mágica de Madrid”, porsierto na unda nan alkansá e penúltimo rònt pa promé biaha despues di djesun aña.

Khachanov i Rublev ku a hunga tur e partidonan e siman aki, a imponé riba  Viktor Troicki i Novak Djokovic ku skor di 6-4, 4-6 i 7-6 (8) den partido ku a dura dos ora i 13 minüt.