aplikashon pa un finansiamentu di estudio pa aña eskolar 2020/2021

272
Otrobanda– SSC kier informá komunidat di Kòrsou, en espesial tur alumno/studiante (i nan mayornan) ku ta den nan último aña eskolar i ku  ta bai sigui studia sea aki na Kòrsou òf den eksterior, ku temporada pa apliká pa un finansiamentu di estudio pa aña eskolar 2020/2021 ta habrí.

Pa studia na Hulanda òf den region por apliká te ku 15 di yanüari 2020 i pa keda studia na Kòrsou por apliká te ku 31 di mart 2020. E petishon mester keda yená i mandá digital via nos wèpsait, www.ssc.cw. Pa yena e petishon, mester subi riba nos wèpsait www.ssc.cw. Klek riba “aanvraag studiefinanciering” i sigui e instrukshonnan pa kompletá e petishon.  Ta hopi importante pa studiantenan ku ta bai sigui un estudio riba nivel di HBO òf WO  na Hulanda, ku tin un “numerus fixus” (kantidat di aseptashon limitá), registrá nan mes riba e wèpsait di Studielink (www.studielink.nl), no mas lat ku 15 di yanüari 2020. Studiantenan ku ta bai studia den region tambe tin algun kos di regla manera e.o., registrashon na e skol di nan eskoho, regla Visa i tradukshon di dokumentonan importante manera akta di nasementu, diploma, lista di sifra i otro dokumentunan ku skol ta pidi. Despues ku e petishon di e studiante keda tratá, SSC lo informá tur studiante i nan mayor kiko ta tur e kosnan ku mester regla i kon ta bai sigui.

Un petishon spesial ta bai na tur studiante pa hasi e aplikashon pa un finansiamentu di estudio i registrá na e skol di bo eskoho na tempu pa evitá desepshon si bo no keda atmití. Ya nan ta bishitando tur skol sekundario pa duna informashon na alumno i studiantenan ku ta den nan último aña eskolar. Esaki ta kontinuá henter luna di novèmber i tambe desèmber 2019. Nan ke pa tur hende ta bon informá i lo bai tin un siman di informashon pa tur interesado. E seshonnan aki ta spesial pa mayornan ku tin un yu ta bai studia òf studiantenan/alumnonan ku no a haña informashon na skol, pa motibu ku nan ta ku stazje òf ya a kaba skol. Tur dia den e siman di 09 pa 13 di desèmber, di 6or pa 7or di anochi, nan lo tin seshon di informashon di kiko ta e kondishonnan i kon apliká pa bini na remarke pa un finansiamentu di estudio, tur e paisnan ku nan ta finansiá, i kiko tur SSC ta duna komo servisio. E seshonnan di informashon aki lo tuma lugá na SSC mes.

Pa mas informashon por yama, hasi uso di nos Livechat riba nan wèpsait òf pasa na ofisina. Nan ofisina ta situá na Molenplein sin number, Otrobanda i ta habrí di djaluna pa djabièrnè di 08:00-16:00 nònstòp. Telefòn 465-8480, wèpsait www.ssc.cw, email info@ssc.cw