Clayten Mogen i Clint Gosepa a hala bastante atenshon na Aruba

226
Nan dos a pone drama na Aruba dos dia tras di lomba.

WILLEMSTAD,—-Di informashon ku ‘E Mulina’, a risibí ayera direktamente for di Aruba ta bisa ku, ayera tabatin otro bon presentashon di dos yu di Kòrsou na e pais ariba menshoná, ta trata aki di e dos hóben nan artista diseñadó ku ta Clayten Mogen i Clint Gosepa.

‘E Mulina’, a keda pone na altura ku e dos hóben artista nan aki a presentá nan kolekshon di paña nan i kadena bu di e tema “Black Power”. Mas aleu ‘E Mulina’, a haña informashon ku e dos hóben a presentá algun kadena ku a keda traha pa otro artista yu di Kòrsou “7.1”, ku ta Giovanni Abath

Pues mester bisa ku e dia nan aki nos arestá nan lokal tantu den mundu di moda pero tambe riba otro tereno. Esaki ta nifiká ku un biaha mas nos hóben nan ta saka kara di Pais Kòrsou. ‘E Mulina’, sigur lo bai sigui e dos hóben nan aki hopi mas di aserka na momentu ku nan regresá kas bèk. Paso sin duda nan dos tambe meresé di haña tur atenshon den nos farándula lokal. For di aki ‘E Mulina’, ke manda un pabien grandi nan tantu Clayten Mogen i Clint Gosepa pa nan tremendo trabou ku nan a hasi na Aruba.