Deontay Wilder ku man drechi fuerte ta paga lus di Ortiz

132
Fot denotay: E potrèt ta mustra akshon dje pelea i tambe nòkout fulminante ku Deontay Wilder a propiná Luis Ortiz.  “The Bronze Bomber” tin un pegada serio.

LAS VEGAS,  — Despues di no a tira su man drechi den e promé seis rontnan,   Deontay Wilder a manda un bòm den frenta dje kubano, Luis Ortiz, pa mand’é lona dirèkt, pa asina tambe propiné un nòkout espektakular den shete rònt.  Esaki tabata di dies biaha ku Wilder a defendé su titulo mundial di peso kompletu ku éksito.

Den e pelea den rontnan promé Ortiz semper a bai dilanti pa buska su kontrinkante i asta tabata parse ku e tabata dominá e  kampeon mundial, pero ora e oloshi tabata  mustra  2:51 den di shete rònt e bòksdó kubano a deskuidá su defensa di man links, i tabata akinan ku Wilder a dalé un man drechi ku a mand’é bai plat.

Un sla devastador ku manda Ortiz lona i ku klaramente por mira ku e no tabata bon mas apesar di trata na lanta. E rèfri mesora a mira e situashon dje kubano i pará e pelea korektamente.

E pelea a tuma lugá den  MGM Grand Garden Arena na unda  Wilder a bringa pa promé e biaha for di despues ku e la ganá e faha di kampeon na 2015.