Despues di basta ratu Junior Tecla ta bèk ku un piesa nobo

189
E ta bèk den kaya anto ku piesa nobo tambe.

WILLEMSTAD,—-E kantante yu di Kòrsou Junior Tecla tei bèk i a disidí di korona su regreso, ku un piesa nobo titulá Ta ken bo ta”. Ku e piesa nobo aki e anunsiá un proyekto nobo, unda e ta trese Legendario músiko nan manera Rignald Recordino i Chin Behilia huntu ku artistanan ku awó ta lanta den género Urbano.

Mester ku e piesa nobo “ta ken bo ta”  a keda produsí pa Url Isenia i Tyzik “Ziko” Lispier, i ta trata aki di un komposishon di  Tecla i Zoinx.  Tambe mester bisa ku e kantante Niata Augusta a añadí su toke kultural ku a kompletá e komposishon.

‘E Mulina’, por a komprendé ku, e piesa nobo di Junior Tedcla ta un anunsio pa un proyekto di interkambio musikal titulá “Urban ta topa ku grandinan legendario”, kaminda unda Tecla ke refreská kantikanan di aña 80 bai abou, pues e era di Ritmo Kombiná.  Aki Tecla ke krea un sosiedat di outor unda e ta trese talentonan nobo di e generashon aktual i laga nan será konosí ku e artistanan legendario ku ainda ta na bida.

Mester bisa ku ya por pidi pa “Ta Ken Bo Ta” na tur radio emisora popular riba nos isla. pa mas informashon chek e Facebook di Tecla na www.facebook.com/JrTecla of Vibenation na www.facebook.com/VibeNationCuracao. Pues despues di basta ratu e kantante Junior Tecla ta pone un piesa nobo riba merkado.