E legendario Rignald Recordino tei drenta studio di grabashon

357
E ta bai kaya ku un mònster di piesa nobo.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku e Legendario Pianista Kompositor areglista Rignald Recordino ta bai drenta den studio di grabashon ku su agrupashon musikal Doble R SSS.

Tambe ‘E Mulina’, a haña informashon ku Rignald Recordino ta bai graba un Tumba den mes un bachi ku e graba mas di tres dékada tras di lomba, kaminda ku e la komponé e piesa “Shell wel,wel”. Mas aleu nos fuente a bisa ‘E Mulina’, ku e chèns ta hopi grandi ku ta e kantante Marlon Victorina ta esun lo bai graba e komposishon nobo di Rignald Recordino.

Tambe nos ta disponé di informashon ku den luna di desèmber e piesa nobo di Doble R SSS komponé i areglá pa e legendario músiko Rignald Ricordino, lo bai kuminsá zona na diferente radio emisora lokal, pues no ta bai dura hopi ku Kòrsou lo bai tende di e piesa nobo di Rignald Recordino.