Ekseso di velosidat ta pone outo dal kèntel di banda

Riba Sta Rosaweg

252
Un bista kon e vehíkulo a keda.
Willemstad—-Un aksidente den kual e shofùr a keda pega den outo  ta loke a tuma lugá riba e kaminda di Sta Rosa nèt riba e tereno di un ofisina di un speshalista di kurason.
Tim di reskate den akshon.

Djasabra anochi lat pa bai habri djadumingu mardugá a surgi un aksidente ku basta daño material i no ménos ku kuater persona leshoná. Un vehíkulo moviendo ku velosidat haltu riba e kaminda di Sta Rosa na dado momento a bin pèrdè kontròl kore den skual baha for di kaminda pasa dal kontra di e ofisina di un speshalista pa na final dal kontra di e muraya di e  kura i kèntel di banda.

Bayendo CMC ku otro di e  víktima nan.

Debí na e choke un di e okupantenan a keda pega den e vehíkulo pa kual mester a pidi presensia di e  tim di reskate. No ménos ku tres otro ku si a logra di sali for di e vehíkulo a sufri leshon i a haña asistensia serka e personal di ambulans. Na final e tim di reskate a logra di sake  okupante tambe ku a keda pega den e vehíkulo. A transportá e víktimanan pa Poli.