Gabigol ta hiba gloria eterno pa Flamengo

127
Fot kampeon: E ekipo Flamengo di Brasil ta Kampeon di Copa Libretadores 2019 despues di ganá River Plate di Argentina den final ku skor di 2-1. 

 

LIMA ,  – River Plate ta yora despues ku nan tabata falta apénas tres minüt pa logra e titulo di Copa Libretadores. Simplemente tres minüt tabata separá  ‘Millonario‘ for di nan sinku Copa Libertadores den e sinku añanan dje  era di e entrenadó, Gallardo.

Nos ta bolbe ripití 180 sekònde ku a tarda un eternidat i ku hamas lo por keda lubidá pa e dos ekiponan ku a hunga e final, i tambe tur e fanatikonan ku di un manera òf otro a mira e partido.

Un nòmber manera  Gabriel Barbosa ku dos gol na di  89′ i  92′ minüt ta imposibel pa lubidá.  Gabigol a duna Flamengo  apénas su di dos titulo di Copa Libertadores  den historia for di despues ku Zico a logra esaki na 1981 ku ekipo brazilero.

Ganá 1-0 faltando 3 minüt pa e partido terminá, pa despues bin pèrdè 2-1 ta algu ku lo dura algun tempu pa pasá riba dje.

Kosnan Importante dje partido

Flamengo: Diego Alves; Rafinha, Caio, Pablo Marí, Filipe Luis; Willian Arao, Gerson (Diego, 66′); Everton Ribeiro, De Arrascaeta (Robert Piris, 94′), Bruno Henrique; i Gabigol.

River Plate: Armani; Montiel, Martínez Quarta, Pinola, Casco (Paulo Díaz, 76′); Nacho Fernández (Julián Álvarez, 69′), Enzo Pérez, Palacios, De la Cruz; Borré (Pratto, 75′) i Matías Suárez.

Golnan: 0-1 M. 14 Borré. 1-1 M. 89 Gabigol. 2-1 M. 92 Gabigol.

Refri: Tobar Vargas (Chile). E la duna karchi hel  Pablo Marí, Rafinha, Gabigol / Casco, Matías Suárez i Enzo Pérez.  Karchi kora pa  Gabigol (95′) i Palacios (95′).