Giovanni Abath ta bolbe hasi historia ayera na Aruba

202
Esaki ta e Obra ku e la kaba di traha ayera na Aruba.

WILLEMSTAD,—-E yu di Kòrsou Giovanni Abath ya tin algun dia na Aruba,kaminda ku e ta trahando riba su di dos Obra. Mester bisa ku aña pasa e la traha su promé Obra na Aruba ku a resultá un éksito kompleto.

Pa loke ta trata e Obra di aña aki , esaki ta karga di nòmber “We Are Aruba”, ta trata aki di un Obra ku tin tres meter i mei di altura i tres meter i mei di hanchura. Esaki ta un eskultura riba muraya. Di informashon ku ‘E Mulina’, a risibí direktamente for di Aruba ta bisa ku ayera Giovanni Abath ku ta representá su kompania ku ta karga di nòmber “7.1” a terminá e Obra “We Are Aruba”.

Mas aleu nos a haña informashon ku e Obra “We Are Aruba” ta halando bastante atenshon na Aruba i esaki sigur ta bon pa nos artista lokal Giovanni, ku un biaha mas ta hasiendo un super bon trabou na e Isla ariba menshoná.

Tambe nos tin ku bisa aserka ku e artista Giovanni Abath” 7.1”,ta halando bastante atenshon serka di diferente persona ku ta bini for di diferente pais e dia nan aki na Aruba. Mester bisa ku nos aki na Kòrsou mester sinti nos super orguyoso riba e artista Giovanni Abath pa loke ku e la bin ta mas den e último tempu nan aki.