Nina Genaro tambe a pasa pa e famia Direct kanal 13

500
E tambe a pasa forma parti di Kanal 13 TV Direct. 

WILLEMSTAD,—-Nos ta bai sera aña 2019 pero ketu bai tin algun moveshon ta tumando lugá den mundu di televishon na Kòrsou. Di informashon ku ‘E Mulina’, ta disponé di dje ta bisa ku Nina Genaro a pasa forma parti di Televishon Direct Kanal 13 den e departamentu di notisia.

Esaki sin duda ta un bon zèt di parti di gerente di e kanal ariba menshoná, paso no ta un sekreto ku Nina Genaro ta un tremendo presentadó di notisia, esaki ta loke ku e la prueba kaba na diferente okashon na e kanal di televishon kaminda ku e tabata laborá den pasado. Sin duda ta trata aki di un Dama ku ta bon den su trabou komo presentadó di notisia.

Di i formashon ku ‘E Mulina’, ta disponé di dje ta bisa ku awe Nina Genaro ta hasi su debut na Kanal 13 TV Direct 8 or di anochi. Esaki ta nifiká ku e tin di departamentu di notisia di Kanal 13 ta bai bira mas fuerte ku nan ta aktualmente. Pues awe nochi kanal 13 lo bai presentá nan kara nobo den Bos di Nina Genaro.

Mas aleu ‘E Mulina’, tin informashon ku promé ku aña 2019 yama ayó lo bai tin sigur dos moveshon mas ku ta bai tuma lugá den mundu di televishon. Mester bisa ku den e mundu di televishon kos nan ta mustra di bai bira hopi interesante. ‘E Mulina’, sin duda lo bai sigui vigilá e moveshon nan aki ku wowo di falki.