Risab ta e banda den ámbito di Kòmbèk ku ta bin kaya ku dos Trombon

259
Su plan nan ta hopi serio pa ku farándula di Kòrsou den 2020.

WILLEMSTAD,—-Siman pasa ‘E Mulina’, a saka un informashon ku tin un agrupashon musikal den ámbito di Kòmbèk ku ta bai pone e parti di metal aserka. Mester bisa ku riba e dia en kuestion ‘E Mulina’, no a menshoná nòmber di e agrupashon musikal ku ta bin kaya ku e parti di brass, pa ta eksakto nan ta bin ku dos Trombon.

Awe ‘E Mulina’, ta los nòmber di e agrupashon musikal i esaki ta e banda ku ta karga di nòmber Risab. Di informashon ku ‘E Mulina’, ta disponé di dje ta bisa ku e dos Trombonista nan ta 100% Yu di Kòrsou, mester bisa ku ya nan a kuminsá ensayá ku e banda ariba menshoná kaba.

Mas aleu ‘E Mulina’, ta disponé di informashon ku dia promé di desèmber agrupashon musikal Risab lo hasi nan debut den nan forma nobo, esta ku nan dos Trombonista nan i nan lo bai hasi esaki den kombinashon ku e agrupashon musikal di aña 2019 den ámbito di Kòmbèk ku ta Classic XD

Esaki ta nifiká ku dia promé di desèmber ta brass den brass ta bai topa ku otro. ‘E Mulina’, a komprendé ku tur e músiko nan di e banda Risab ta tumando nan presentashon huntu ku Classic XD 100% na serio. Mester bisa ku e fiesta ta tuma lugá na “Kas di nos infansia” na Banda Bou, kaminda ku lo bai tin un PikNik, i riba mes un dia nan ta bai estrená e piesa di Chispa Band ku ta “Eclipse di Amor”,pero den bachi di Risab, i e piesa ta keda kanta pa e kantante Chayenne Gonzalez. No tin duda ku pa aña 2020 e ámbito di Kòmbèk lo bai bira hopi pero hopi interesante.