Tico Libiee ofisialmente ku agrupashon musikal “Génesis”

299
Awor si no tin awa pa laba, e la bira kantante ofisial di agrupashon musikal “Génesis”.  

WILLEMSTAD,—-Algun siman pasa tras di lomba ‘E Mulina’, a saka un informashon ku tin kombersashon i alabes negoshashon nan entre e kantante Tico Libiee i gerente di agrupashon musikal “Génesis”.

Pero dia ku e informashon a sali den Korant Vigilante tur hende a ninga ku loke ku a sali den Korant Vigilante no ta kuadra ku realidat, pero manera semper nos ta bisa den nos dicho “Tempu ta e mihó maestro”. I no a duru hopi ku un biaha mas ‘E Mulina’, ta bolbe haña rason.

Mester bisa ku for di djarason tras di lomba ‘E Mulina’, a haña informashon ku gerente di agrupashon musikal “Génesis” a bai mesa un biaha mas ku e kantante Tico Libee, i ayera nos fuente a sigurá nos ku awor si den un forma ofisial e kantante Tico Libiee a pasa forma parti di agrupashon musikal  “Génesis”.

Mas aleu ‘E Mulina’, a haña informashon ku gerente di agrupashon musikal “Génesis” tin algun plan nan grandi i nan lo bai kuminsá aktivá nan plan nan for di luna di desèmber. Den mes un rosea nos a keda pone na altura ku e banda “Génesis” , ta bai traha duru pa otro nan por sali banda di aña den ámbito di Kòmbèk. Pues esaki ta nifiká ku banda nan manera Classic XD. Zudup Hopi Forsa i Sabor “S.O.”Original mester wak nan kaya awor dos biaha mas tantu ku normal.